خطورة الادوية حتى لو بتاخد فيتامينات مش بتاخد دواء معين لمرض معين هي شيء بالغ الخطورة وبالغ الخطر.
زي ما قولتلك حتى الفيتامينات لها تاثيرات سلبية على الجسم مش مجرد كلام.
اي كيماويات بتدخل الجسم لها سلبيات كبيرة على الجسم كله.
جهاز المناعة وايضا الاعضاء المهمة
١. الكلى
٢. الكبد
يبقى على اتفاقنا كل الادوية عالية الخطورة مش أدوية وعلاجات الكحة فقط.
هنسلط الضوء على جزئية الكحة.
المفروض ناخد بالنا من ادويه الكحه ومناخدهاش الا تحت اشراف الطبيب، ودا لانها ممكن تزود الحالة جدا لو اتاخدت في وضع مش حلو
ايه اللي هيحصل لو اخدنا الادوية بدون الرجوع للطبيب ؟
١- طارد البلغم لا ياخذ الا تحت اشراف الطبيب لاننا لو اخدناه بدون ادويه مكمله وموسعات للشعب الهوائيه ومذيبات بلغم ممكن طارد البلغم يسبب زياده الكحه بصوره شديده نتيجه ان الشعب الهوائيه بتكون مقفوله او البلغم تقيل والكحه مش قادره تسلك الشعب الهوائيه فبتزيد جدا وده بيعمل انهاك للطفل ويتعب عضلاته
٢- مهدئات الكحة لو اتاخدت والشعب الهوائية قافلة ومليانه بلغم ممكن يسبب ان الطفل يتخنق ويزرق ويدخل في مضاعفات الفشل التنفسي لان مهدئات الكحه بتروح علي المخ تقوله يبطل كحه ويوقفها مع ان الكحه دي نظام دفاعي من الجسم علشان يخرج البلغم وينضف الشعب الهوائيه علشان الهواء يوصل جوه الرئه فلو وقفنا الكحه وهي ليها وظيفه هتؤدي لمشكله كبيره ..... مثبط الكحه يتاخد لما نكون مديين موسعات شعب بصوره كافيه ومفيش بلغم في الصدر ..
٣- موسعات الشعب الهوائيه لو اتاخدت في كحه حنجريه هتخلي اعراض الخناق الحنحري تزيد لانك لما توسع الشعب الهوائيه هتزود حجم الهواء اللي داخل الرئه ولو السكه من خلال الحنجره مقفوله هتزود المشكله والاختناق هيزيد .
ليست هناك تعليقات: